போளிவாக்கம் கோதண்டராமர் கோவிலில் திருக்கல்யாண விழா
போளிவாக்கம்; கடம்பத்துார் ஒன்றியம் போளிவாக்கம் ஊராட்சி பாக்குப்பேட்டை கிராமத்தில் அமைந்துள்ளது ஹரி ஸ்ரீ கோதண்டராமர் திருக்கோவில். இங்கு ராம நவமி திருவிழா ஆண்டுதோறும் சிறப்பாக கொண்டாடப்பட்டு வருகிறது. நேற்று திருக்கல்யாண நிகழ்ச்சி காலை 11:00 மணியளவில் சிறப்பு அபிஷேகத்துடன் துவங்கியது. பின் மாலை 4:00 மணி முதல் இரவு 8:00 மணி வரை திருக்கல்யாண வைபவமும், இரவு சுவாமி திருவீதி உலாவும் நடந்தது. இதில் போளிவாக்கம், பாக்குப்பேட்டை, இலுப்பூர், வலசை ஊராட்சிகளை சேர்ந்த பகுதிவாசிகள் கலந்து கொண்டு சுவாமி தரிசனம் செய்தனர்.
