திருக்கோஷ்டியூர் கோயிலில் ராமானுஜர் மகோற்சவம் நிறைவு
மே 02,2017
திருப்புத்துார்: திருக்கோஷ்டியூர் பெருமாள் கோயிலில் எம்பெருமானார் ராமானுஜர் அவதரித்த ஆயிரமாவது திருநட்சத்திர மகோற்சவம் நேற்றுடன் நிறைவடைந்தது. இந்த மகோற்சவம் ஏப்.,22 ல் துவங்கியது. தினசரி திருக்கோஷ்டியூர் நம்பிகள் மற்றும் ராமானுஜருக்கு நவ கலச அலங்காரம், திருவீதி புறப்பாடும் நடந்தன. நேற்று காலை 7:00 மணிக்கு பெருமாள் மங்களாசனம் நடந்தது. தொடர்ந்து காலை 10:00 மணி, இரவு 8:00 மணிக்கு பெருமாள், ராமானுஜர் புறப்பாடு நடந்தது. அதேபோல் சிவகங்கை சுந்தரராஜ பெருமாள் கோயிலில் திருநட்சத்திர மகோற்சவம் நடந்தது. கோயில் நிர்வாகிகள், பக்தர்கள் பங்கேற்றனர்.
