அரியாங்குப்பம் சொர்ண பைரவர் கோவிலில் நவ துர்கா ஹோமம்
அரியாங்குப்பம்: சொர்ண பைரவர் கோவிலில், நவராத்திரி விழாவையொட்டி, நவ துர்கா ஹோமம் நடந்தது.
அரியாங்குப்பம் அடுத்த நாணமேடு பகுதியில் சொர்ண பைரவர் கோவில் உள்ளது. நவராத்திரி விழாவையொட்டி, கடந்த 10ம் தேதி கணபதி பூஜையுடன் விழா துவங்கியது. வரும் 20ம் தேதி வரை, கோவிலில் ஹோமம் மற்றும் சிறப்பு பூஜை நடக்கிறது. நேற்று நவ துர்கா ஹோமம் நடந்தது. அதனை தொடர்ந்து, பைரவருக்கு சிறப்பு பூஜை மற்றும் அலங்காரம் செய்யப்பட்டு தீபாராதனை நடந்தது. நிகழ்ச்சி ஏற்பாடுகளை முத்து குருக்கள் செய்திருந்தார்.
