தர்மலிங்கேஸ்வரர் கோவிலில் அன்னாபிஷேகம்
மதுக்கரை, மரப்பாலம் அருகேயுள்ள தர்மலிங்கேஸ்வரர் கோவிலில் நேற்று பவுர்ணமி முன்னிட்டு, அன்னாபிஷேக விழா நடந்தது. இதனையொட்டி தர்மலிங்கேஸ்வரருக்கு காலையில் விபூதி அலங்காரம் செய்யப்பட்டு, அபிஷேகம் நடந்தது. இதையடுத்து மதியம், 12:00 மணிக்கு அன்னத்தால் அலங்காரம் செய்யப்பட்டு, மதியம், 2:00 மணிக்கு கலைக்கப்பட்டது.
அலங்காரத்திற்கு பயன்படுத்தப்பட்ட அன்னம், பக்தர்களுக்கு வழங்கப்பட்ட அன்னதானத்தில் கலக்கப்பட்டது. இதையடுத்து அலங்காரம், அபிஷேகம் நடந்தது.
பவுர்ணமி முன்னிட்டு காலை 8:00 முதல் பக்தர்கள் கிரிவலம் வந்தனர். 10 ஆயிரத்திற்கும் மேற்பட்டோர் விழாவில் பங்கேற்றனர். ஏற்பாடுகளை கோவில் நிர்வாக கமிட்டியினர் செய்திருந்தனர்.
