திருப்பதியில் மலையப்ப சுவாமிக்கு திருமஞ்சனம்; பிரமாண்டமான மலர் ஊர்வலம்
திருப்பதி; திருப்பதியில் நடைபெறும் புஷ்ப யாகத்திற்கான பிரமாண்டமான மலர் ஊர்வலம் இன்று காலை நடைபெற்றது. முன்னதாக காலை 9 மணி முதல் 11 மணி வரை, ஸ்ரீதேவி மற்றும் பூதேவியுடன் ஸ்ரீ மலையப்ப சுவாமிக்கு ஸ்னப திருமஞ்சனம் நடைபெற்றது.
ஸ்ரவண நட்சத்திரத்தை நினைவுகூரும் வகையில் ஸ்ரீவாரி கோயிலில் நடைபெறும் புஷ்பயாகத்திற்கான பிரமாண்டமான மலர் ஊர்வலம் இன்று திருமலையில் நடைபெற்றது. திருமலையில் உள்ள கல்யாணவேதிகையில் உள்ள தோட்டக்கலைத் துறையில் சார்பில் முதலில் சிறப்பு பூஜைகள் செய்யப்பட்டன. ஸ்ரீவாரி கோயில் துணை நிர்வாக அதிகாரி ஸ்ரீ லோகநாதம், தோட்டக்கலைத் துறை துணை இயக்குநர் ஸ்ரீ ஸ்ரீனிவாசுலு, தோட்டக்கலை ஊழியர்கள் மற்றும் ஸ்ரீவாரி சேவகுலா ஆகியோர் இணைந்து ஸ்ரீவாரி கோயிலுக்கு ஊர்வலமாக மலர்களை கொண்டு வந்தனர்.
இந்த சந்தர்ப்பத்தில், தேவஸ்தான தலைமை நிர்வாக அதிகாரி ஸ்ரீ அனில் குமார் சிங்கால் கோயில் முன் ஊடகங்களிடம் பேசுகையில், ஸ்ரீவாரி பிரம்மோத்சவங்களின் போது ஏதேனும் அறியாமல் பிழைகள் ஏற்பட்டிருந்தால், அந்த பிழைகளை நீக்குவதற்காக கார்த்திகை மாதத்தில் ஸ்ரீவாரியின் பிறந்த நட்சத்திரமான ஸ்ரவண நட்சத்திர நாளில் மலர் யாகம் செய்வது வழக்கம். உலக நன்மைக்காக 15 ஆம் நூற்றாண்டிலிருந்து மலர் யாகம் நடத்தப்பட்டு வருவதாக அவர் கூறினார்.
இன்று வியாழக்கிழமை காலை 9 மணி முதல் 11 மணி வரை, ஸ்ரீதேவி மற்றும் பூதேவியுடன் ஸ்ரீ மலையப்ப சுவாமிக்கு ஸ்னப திருமஞ்சனம் நடத்தப்பட்டது. பிற்பகல் 2 மணி முதல் 5 மணி வரை சுவாமி மற்றும் அம்மாவரின் உற்சவ சிலைகளுக்கு புஷ்ப யாகம் அழகான முறையில் நடத்தப்படும் என்று அவர் கூறினார். இதற்காக, 16 வகையான பூக்கள் மற்றும் 6 வகையான இலைகள் பயன்படுத்தப்படும் என்று கூறப்பட்டது. நன்கொடையாளர்கள் தமிழ்நாட்டிலிருந்து ஐந்து டன், கர்நாடகாவிலிருந்து இரண்டு டன் மற்றும் ஆந்திராவிலிருந்து இரண்டு டன் என மொத்தம் 9 டன் பூக்களை நன்கொடையாக வழங்கியது குறிபிடத்தக்கது.
