மதிநுட்பம் கொண்ட மிதுன ராசி அன்பர்களே! (வாகன யோகம்)

சுக்கிரன், செவ்வாய், சனி, ராகு ஆகியோரால் நன்மை மேலோங்கும். பொருளாதார வளம் பெருகும். சமூகத்தில் மதிப்பு கூடும். பொன், பொருள் சேரும். குரு ராசிக்கு 3ம் இடத்தில் இருப்பதால் அவ்வப்போது முயற்சியில் தடை உண்டாகலாம். குரு ஆக.1ல் 4 ம் இடத்துக்கு செல்வதால் வீண் அலைச்சல், உறவினர் பகை உருவாக வாய்ப்புண்டு. ஜூலை 24க்கு பிறகு குடும்ப பிரச்னை, அவப்பெயர் மறையும். பிரிந்த தம்பதியர் ஒன்று சேருவர். குழந்தை பாக்கியம் கிடைக்கும். புதிய வீடு, வாகனம் வாங்க யோகமுண்டாகும். ஆக. 4,5,6ம் தேதிகளில் ஆடை அணிகலன்கள் வாங்கி மகிழ்வீர்கள். சூரியனால் உடல்நலக் குறைவு வரலாம். கண் பாதுகாப்பில் அக்கறை கொள்ளவும். ஜூலை 24, ஆக.2,3 நாட்களில் சுதந்திரமற்ற நிலையில் இருப்பீர்கள்.

தொழில், வியாபாரத்தில் விரிவாக்கம் செய்ய வங்கி கடன் எளிதாக கிடைக்கும். லாபம்
படிப்படியாக உயரும். ஜூலை 24க்கு பிறகு அரசு வகையில் பிரச்னை உருவாகலாம் கவனம்.   போட்டி அதிகம் இருந்தாலும் அதை சமாளிக்கும் வல்லமையை பெறுவீர்கள்.

பணியாளர்களுக்கு எதிர்பார்த்த சலுகை கிடைக்கும். பணிச்சுமை குறையும். பாதுகாப்பு தொடர்பான வேலையில் இருப்பவர்களுக்கு புதிய பதவி தேடி வரும். ஜூலை 24க்கு பிறகு அரசு பணியாளர்கள் வேலையில் கவனமாக இருப்பது அவசியம்.

கலைஞர்கள் முன்னேற்ற பாதையில் செல்வர். ஆக. 1க்குள் விருது, பாராட்டு போன்றவை கிடைக்கும்.
அரசியல்வாதிகள் சிறப்பான நிலையில் இருப்பர். பணப்புழக்கத்திற்கு குறைவிருக்காது.
மாணவர்கள் புதன் சாதகமற்று இருப்பதால் விடாமுயற்சியுடன் படிப்பது நல்லது.
விவசாயிகள் நெல், பயறு வகைகள் மூலம் கூடுதல் வருவாய் கிடைக்கும். பழம், கீரை வகையில் சிறப்பான மகசூல் கிடைக்கும்.

பெண்களால் குடும்பம் சிறந்து விளங்கும். பணிக்குச் செல்லும் பெண்கள் சிறப்பான பலன் பெறுவர். புதிய பதவியும் தேடி வரும்.
நல்ல நாள்: ஜூலை 16,17,18,19,24,25, 26,27, 28,31, ஆக.1,4,5,6,12,13,14,15
கவன நாள்: ஜூலை 20,21 ஆக.16 சந்திராஷ்டமம்
அதிர்ஷ்டஎண்: 3,5  நிறம்: வெள்ளை,சிவப்பு

பரிகாரம்: குல தெய்வத்தை வழிபட்டு பசுவுக்கு பசுந்தழை போடுங்கள். தினமும் காலையில் சூரியனை வணங்கி, ஏழைகளுக்கு கோதுமை தானம் செய்யுங்கள்.