Press Ctrl+g to toggle between English and Tamil
தேடும் வார்த்தையை ஆங்கிலத்தில் டைப்செய்து ஸ்பேஸ்பார் தட்டவும்.
 

கோயில்கள்
01.  
02.  
03.  
04.  
05.  
06.  
07.  
08.  
09.  
10.  
11.  
12.  
13.  
14.  
15.  
16.  
17.  
18.  
19.  
20.  
21.  
22.  
23.  
24.  
25.  
26.  
27.  
28.  
29.  
30.  
31.  
32.  
33.  
34.  
35.  
 

ஜோசியம்
இறைவழிபாடு
சிவ குறிப்புகள்
ஆன்மீக பெரியோர்கள்
ஆன்மிக தகவல்கள்
பிற பகுதிகள்
 

நேர்மை வழியில் இந்த வாரம் என்ன?
முதல் பக்கம் » ஆன்மீக வகுப்பறை!
அன்பால் இணைந்த உலகம்
எழுத்தின் அளவு:

பதிவு செய்த நாள்

09 அக்
2018
13:02

அடர்ந்திருந்த மரக்கிளையில் அமர்ந்து, ஜோடி புறாக்கள் எழுப்பிய சத்தம் ரம்மியமாக இருந்தது.  அப்போது திடீரென சருகுகள் சத்தமிட, யாரோ வருவதை உணர்ந்த புறாக்கள் திடுக்கிட்டன. அவை சுதாரிப்பதற்குள் சட்டென மரத்திற்குப் பின்னால் மறைந்தான் ஒரு வேடன். புறாக்கள் மீண்டும் இயல்பானதும், வேடன் அவற்றை துப்பாக்கியால் குறி வைத்தான். காதலில் தோய்ந்த புறாக்கள் உடலோடு உடல் உரசிக் கொண்டு நின்றன. ஒரே கல்லில் இரண்டு மாங்காய் என நினைத்து குறி வைத்தான் அவன். ஏதுவாக புறாக்களும் அசையவில்லை. துப்பாக்கியில் விரலை அழுத்த குண்டு பாய்ந்தது. பொத்தென்று  புறா விழும் சத்தம் கேட்டது. குஷியான வேடனும் புறா விழுந்த இடத்தை நெருங்கினான். சிறு அதிர்ச்சியுடன் மேலே நிமிர்ந்து பார்த்தான். அங்கே ஆண்புறா கீழே குனிந்து பார்த்துக் கொண்டிருந்தது. அதன் முகத்தில் ரத்தத்துளிகள் தெறித்திருந்தன. ரத்த வெள்ளத்தில் கிடந்த தன் இணையை உற்றுப் பார்த்து காடே அதிரக் கத்தியது. வேடன் மிரட்சியுடன் சற்று நகர்ந்து  அண்ணாந்து பார்த்தான்.

கீழே வந்த ஆண்புறா தன் இணையை ஓரிருமுறை சுற்றி வந்தது. சட்டென உயரப் பறந்து விரித்த சிறகுகளை மூடிக்கொண்டது. வேகமாக கீழே வந்து பொத்தென விழுந்தது.  உடலில் இருந்து ரத்தம் பீய்ச்சியடிக்க உயிரை விட்டது. புறாக்களின் மீது  இலைகளை உதிர்த்து மரமும் அஞ்சலி செய்தது.   இதைக் கண்கொட்டாமல் பார்த்த வேடனின் கண் கலங்கியது. விரல்கள் தளர்ந்து போகவே துப்பாக்கியும் நழுவியது. அவன் கால்கள் மண்டியிட்டன. துக்கம் தொண்டையை அடைக்க கதறி அழுதான். மண்டியிட்டபடி நகர்ந்து வந்து புறாக்களைத் தொட்டான். அவற்றின் ரத்தம் சுட்டது.  இரண்டையும் சுட்டுக் கொன்றிருந்தால், இந்நேரம் அவற்றை சுட்டுத் தின்றிருப்பான். ஆனால் ஒருபுறா இன்னொன்றின் மீதுள்ள அன்பை வெளிப்படுத்திய விதம் கண்டு உருகிப் போனான்.   அன்பால் இணைந்தது இந்த உலகம் என்பதை உணர்ந்த வேடன் ’அன்புக்கு அடிமையாகி விட்டேன்; இனி உயிர்களை கொல்ல மாட்டேன்’ என சத்தியம் செய்து விட்டு எழுந்தான்.

 
மேலும் ஆன்மீக வகுப்பறை! »
ஒரு பக்தனுக்கு வேண்டுகோள் எதுவும் இருக்காது. எனவே, அதை முன்வைத்து சங்கல்பம் செய்து கொள்ளாமல், ... மேலும்
 
பிரகார வலம் வந்து நமஸ்காரம் செய்தால் தான் கோயில் வழிபாடு நிறைவடையும். கோயிலுள்ள அனைத்து ... மேலும்
 
பாத்திரங்களை பூஜை முடிந்த பின் அன்றாடம் கழுவி வைத்துக் கொள்ளலாம். திருவிளக்கை மட்டும் செவ்வாய், ... மேலும்
 
முதலில் மனபயம் எப்படி ஏற்பட்டது என்பதைப் புரிந்து கொண்டு மனரீதியாகவே அதைப் போக்க முயலுங்கள். நடப்பது ... மேலும்
 

ஏழுநாள் பரிகாரம்! டிசம்பர் 11,2018

ராமாயணத்தில் மந்திர ரத்தினம் என @பாற்றப்படுவது சுந்தரகாண்டம். ‘சுந்தரம்’ என்றால் ‘அழகு’. சீதையைப் ... மேலும்
 

 தினமலர் முதல் பக்கம்   கோயில் முதல் பக்கம்
Copyright © 2018 www.dinamalar.com. All rights reserved.