ஒருவரது வாழ்க்கை எப்போது முழுமை பெறும்? என்று கேட்டால் பலரும் படிப்பு, திருமணம் என்று ஆளாளுக்கு ஒரு பதில் சொல்வர். உண்மையில் இவை எதிலுமே வாழ்க்கை முழுமை அடைவதில்லை. திருமணமானவர்கள் தாய், தந்தை எனும் ஸ்தானத்தை பெறும்போது வாழ்க்கை முழுமை பெறுகிறது. என்னதான் பணம் இருந்தாலும் ஒரு மழலை விளையாடாத வீடு வெறுமையாகத்தானே இருக்கும். இதுபோன்ற சூழலில் உங்களது வீடு உள்ளதா? கவலை வேண்டாம். செங்கல்பட்டு மாவட்டம் பெருங்கருணை மரகத தண்டாயுதபாணி கோயிலுக்கு வாருங்கள். உங்கள் வீடு ஆனந்தம் விளையாடும் வீடாக மாறும்.
திறக்கும் நேரம்:
காலை 7:30 – 12:00 மணி, மாலை 4:30 – 7:00 மணி
முகவரி:
மரகத தண்டாயுதபாணி கோயில், பெருங்கருணை, செங்கல்பட்டு மாவட்டம்
போன்:
+91 73971 71931, 94432 09267
பொது தகவல்:
‘குன்று இருக்கும் இடமெல்லாம் குமரன் இருப்பான்’ என்னும் பழமொழிக்கு ஏற்ப, இங்கும் இங்கு மலை மீது அமர்ந்து உள்ளான் முருகன். மலை அடிவாரத்தில் விநாயகருக்கு வணக்கம் செலுத்திவிட்டு நாம் படியேற ஆரம்பிக்கலாம். அமைதியான இடத்தில் சிறுவனாக, அழகனாக, பேரழகனாக இருக்கிறான் முருகன். தன் புன்னகையாலேயே பேரருள் வழங்கும் அந்த குழந்தையை பார்த்துக்கொண்டே இருக்கலாம் என தோன்றும். மரகதக்கல்லினால் ஆன இவர், பழநி தண்டாயுதபாணியை போலவே உள்ளார். இவருக்கு இருபுறத்தில் இரண்டு மயில்களும், நாகங்களும் பின்புறத்தில் மயில் தோகையும் அமைக்கப்பட்டுள்ளன. அவரை வலம் வந்து வணங்கியபின், பிரகாரத்தில் அமர்ந்தால் போதும். நம்மிடம் உள்ள கோபம், பொறாமை, அகங்காரம் எல்லாம் கரைந்துவிடும்.
பிரார்த்தனை
குழந்தை வரம் வேண்டி வழிபாடு செய்கின்றனர்.
தலபெருமை:
கோயிலுக்கு பின்புறம் 45 அடி உயரத்தில் மலேசியா பத்துமலை முருகனும் காட்சி அளிக்கிறார்.
தல வரலாறு:
பல ஆண்டுக்கு முன் முத்துசுவாமி என்பவரது கனவில் தோன்றிய முருகன், இங்கு
கோயில் எழுப்ப வேண்டும் என சொன்னார். அதன்படி அவரும் மலை உச்சியில்
வேலாயுதத்தை நிறுவி, வழிபாடு செய்யத் தொடங்கினார். பின் அவரது அயராத
உழைப்பினால் இக்கோயில் உருவானது. இங்கே இன்னொரு மகானை பற்றி சொல்லியே ஆக
வேண்டும். அவர்தான் காஞ்சி மஹாபெரியவர். ஒருமுறை இவர் இங்கு
வந்திருந்தபோதுதான், ‘நடுபழநி’ என்ற பெயரை இக்கோயிலுக்கு சூட்டினார்.
Subscription 
நேரடி ஒளிபரப்பு 
![[Image1]](javascript:load('popupimage.php?Photo=T_1024_2404.jpg'))
![[Gal1]](javascript:load('popupimage.php?Photo=G_L1_2404.jpg'))
)
![[Gal1]](javascript:load('popupimage.php?Photo=G_L3_2404.jpg'))
)
![[Gal1]](javascript:load('popupimage.php?Photo=G_L5_2404.jpg'))
)
