ஆண்டிபட்டி: ஆண்டிபட்டி சக்கம்பட்டி நன்மை தருவார் ஐயப்பசுவாமி கோயிலில் மார்கழி உற்சவ விழா 2 நாட்கள் நடந்தது. விழாவில் ஐயப்ப சுவாமிக்கு ஆயிரத்து எட்டு பூஜைகளுடன் சிறப்பு வழிபாடுகள் நடந்தது. முதல்நாள் இரவில் சுவாமி ஊர்வலத்தை இந்து முன்னணி மாவட்ட செயலாளர் செல்வம் துவக்கி வைத்தார்.

சக்கம்பட்டி, ஆண்டிபட்டி, கொண்டமநாயக்கன்பட்டி பகுதியில் ஊர்வலம் சென்று சுவாமி பக்தர்களுக்கு அருள்பாலித்தார். இரண்டாம் நாளில் கோயில் வளாகத்தில் உள்ள 49 அடி உயர மாகாளியம்மன் சிலைக்கு 108 குடம் பாலாபிஷேகம் மற்றும் பூச்சொறிதல் நடந்தது. ரவீந்திரநாத்குமார் எம்.பி.,அறநிலையத்துறை அறங்காவலர் குழு தலைவர் லோகிராஜன், ஆண்டிபட்டி மகாராஜன் எம்.எல்.ஏ., , பல்வேறு கிராமங்களில் இருந்து வந்த ஏராளமான பக்தர்கள் கலந்து கொண்டனர். ஏற்பாடுகளை கோயில் நிர்வாகி முத்துவன்னியன் தலைமையில் விழாக்குழுவினர் செய்திருந்தனர்.