அன்னூர்: அன்னூரில் இந்து முன்னணி சார்பில், வீடுகள் தோறும் ராமபிரான் படம் ஒட்டப்பட்டது. அயோத்தியில் ராமர் கோவில் கட்ட, நேற்று பிரதமர் மோடி அடிக்கல் நாட்டினார். இதையடுத்து, இந்து முன்னணி சார்பில், நேற்று, அன்னூர் நகரில், வெற்றிவேல், வீரவேல் கோஷத்துடன், 70க்கும் மேற்பட்ட வீடுகளில், ராமபிரான் படம் ஒட்டப்பட்டது. சில வீடுகளுக்கு, ராமபிரான் படம் வழங்கப்பட்டது. இதில், மாவட்ட செயலாளர் ராஜேந்திரன், மாநில பேச்சாளர் மனோகரன், மாவட்ட செயற்குழு உறுப்பினர் கார்த்தி உள்பட பலர் பங்கேற்றனர். கணேசபுரம், கெம்பநாயக்கன்பாளையம், கதவுகரை, மூக்கனூர் உள்பட பல ஊர்களில், நூற்றுக்கும் மேற்பட்ட வீடுகளில், நேற்று மதியம் ராம பிரானுக்கு வழிபாடு நடந்தது. தீபங்கள் ஏற்றப்பட்டன. இதில் இந்து இயக்கத்தினர், பா.ஜ.,நிர்வாகிகள் மற்றும் குடும்பத்தினர் பங்கேற்றனர்.