கோவில்பாளையம்: எஸ்.எஸ்.குளம் ஒன்றியத்தில், 26 இடங்களில், விநாயகர் சதுர்த்தி விழா நேற்று நடந்தது. இந்து முன்னணி சார்பில், கோவில்பாளையம் பெருமாள் கோவில் முன்புறம், நேற்று அதிகாலையில் கணபதி ஹோமத்துடன் விநாயகர் பிரதிஷ்டை செய்யப்பட்டது. வடக்கு மாவட்ட பொருளாளர் அசோக்குமார் தலைமையில் இந்து முன்னணியினர் வழிபாடு செய்தனர். கோட்டைப்பாளையத்தில், பா.ஜ., பிரச்சார பிரிவு மாவட்ட துணைத் தலைவர் செந்தூர் முருகேஷ் தலைமையில் விழா நடந்தது. காளப்பட்டி மாரியம்மன் கோவில் முன்புறம், கரட்டுமேடு காவி கார்னர் அருகே, வையம்பாளையம், இடிகரை உள்பட, 26 இடங்களில், 5 அடி மற்றும் 3 அடி விநாயகர் பிரதிஷ்டை செய்யப்பட்டு சதுர்த்தி விழா நடந்தது. விநாயகருக்கு சிறப்பு அலங்காரம் செய்யப்பட்டிருந்தது. திரளான பக்தர்கள் பங்கேற்றனர். விழாவில், காளப்பட்டி நிர்வாகி ஜீவா, மற்றும் இந்து முன்னணி, பாரதிய ஜனதா ஒன்றிய, நகர நிர்வாகிகள் பங்கேற்றனர்.