சென்னை: திருத்தணி சுப்பிரமணிய சுவாமி கோவிலில் உள்ள நாதஸ்வரம் மற்றும் தவில் இசைப்பயிற்சி பள்ளியில், மாணவர்களை சேர்க்க விண்ணப்பங்கள் வரவேற்கப்படுகின்றன.

முருகனின் அறுபடை வீடுகளில் ஒன்று, திருத்தணி சுப்பிரமணிய சுவாமி கோவில். இந்தக் கோவிலில் உள்ள நாதஸ்வரம் மற்றும் தவில் இசைப்பயிற்சி பள்ளியில், மூன்றாண்டு சான்றிதழ் பயிற்சி வகுப்பு நடத்தப்பட உள்ளது. விண்ணப்பதாரர்கள் ஐந்தாம் வகுப்பு தேர்ச்சி பெற்ற ஹிந்துவாக இருக்க வேண்டும். இசையில் ஆர்வமும் இருக்க வேண்டும். உண்டு உறைவிட வசதிகளுடன், பயிற்சி காலத்தில் மாதம்தோறும் 3,000 ரூபாய் உதவித்தொகை வழங்கப்படும். இப்பயிற்சியில் சேர விரும்பும் மாணவர்கள்,சேர்க்கை படிவங்களை கோவில் அலுவலகத்தில் பெறலாம் அல்லது www.hrce.tn.gov.in என்ற இணையதளத்தில் பதிவிறக்கம் செய்து கொள்ளலாம்.விண்ணப்பங்களை ஜன., 25க்குள் அனுப்ப வேண்டும் என்று அறநிலையத்துறை அறிவித்து உள்ளது.