போத்தனூர்: சுந்தராபுரம் மதுக்கரை மார்க்கெட் சாலையிலுள்ள செங்கப்ப கோனார் திருமண மண்டபத்தில், குறிச்சி குலாளர் சமுக சங்கம் மற்றும் மகளிரணி சார்பில், ஸ்ரீ தேவி, பூதேவி தாயார்கள் சமேத வெங்கடேசப்பெருமாள் தேவதைகளின் திருக்கல்யாண உற்சவ விழா, இன்று காலை, 7:30 மணிக்கு முகூர்த்த கால் நடுதலுடன் துவங்குகிறது, இதையடுத்து குத்துவிளக்கேற்றுதலும், சித்திவினாயகர், சக்தி வினாயகர், ஜெயமாரியம்மன் கோவிலிலிருந்து சீர்வரிசை அழைப்பும் நடக்கின்றன.

இதனை தொடர்ந்து திருக்கல்யான வைபவம், 8:30 மணிக்கு மங்கள இசையுடன் ஆரம்பமாகிறது. கணபதி பூஜை, புண்யாஹவாசனம், பஞ்சகவ்ய பூஜை, கோ பூஜை, பெருமாளுக்கு ஆவாஹான உபசார பூஜைகள், விஷ்ணு சகஸ்ரநாம அர்ச்சனைகள், வேத கோஷம், ரக் ஷாபந்தனம், தேவதைகளுக்கு மூல மந்திர ஹோமங்கள், கன்னிகாதானம் உள்ளிட்டவை நடக்கின்றன, 11:30 மணிக்கு மாங்கல்ய தாரணம், வேத சங்கீத உபசாரங்கள், ஆரத்தி, ஆசிர்வாதம். மங்களாசாஸனம் உள்ளிட்டவை நடக்கின்றன. மதியம் விருந்துடன் விழா நிறைவடைகிறது.