காரைக்கால்: காரைக்காலில் ஸ்ரீநித்திஸ்வரர் ஆலயத்தில் காலபைரவருக்கு சிறப்பு பூஜை மற்றும் முத்தங்கி அலங்காரத்தில் காட்சி அளித்தார்.

புதுச்சேரி மாதில காரைக்கால் நித்திஸ்வரம் பகுதியில் உள்ள பிரசித்தி பெற்ற ஸ்ரீ நித்தியக்கல்யாணி சமேத ஸ்ரீ நித்திஸ்வரர் சுவாமி ஆலயத்தில் ஆண்டு தோறும் கார்த்திகை மாதம் வரும் தேய்பிறை அஷ்டமியான பைரவாஷ்டமி தினத்தில் ஸ்ரீபைரவி உடனுறை காலபைரவருக்கு சிறப்பு யாகம். அபிஷேக ஆராதனைகள் நடைபெற்றது.நேற்று முன்தினம் பைரவாஷ்டமி எனப்படுவதால் அனைத்து சிவாலயங்களிலுள்ள ஸ்ரீகால பைரவருக்கு சிறப்பு பூஜைகள் நடைபெறும். ஸ்ரீநித்திஸ்வரர் ஆலயத்தில் எழுந்தருளி உள்ள ஸ்ரீஸ்வர்ணாகர்ஷண பைரவருக்கு சிறப்பு யாகம் நடந்தது. பின்னர் மஞ்சள்.பால்,தயிர்.தேன்.பழங்கள்,சந்தனம் உள்ளிட்ட பல்வேறு திரவியங்களால் அபிஷேகம் நடைபெற்றது. பின்னர் புனித நீர் அடங்கிய கலசங்களை சிவாச்சாரியார்கள் ஆலயத்தை வலம் வந்து புனித நீராலும் மகாபிஷேகம் நடைபெற்றது.பின்னர் முத்தங்கி அலங்காரம் மற்றும் ஸ்ரீபைரவருக்கு சகஸ்ரநாம அர்ச்சனை,மகா தீபாராதனையும் நடைபெற்றது.இதில் ஏராளமான பக்தர்கள் கலந்து கொண்டு சுவாமி தரிசனம் செய்தனர்.