தேவிபட்டினம்: தேவிபட்டினம் அருகே ஆற்றங்கரை உஜ்ஜயினி காளியம்மன் கோவிலில், மஹா சண்டி ஹோமம் மற்றும் யாக சாலை வேள்வி பூஜைகள் நடைபெற்றன. முன்னதாக, உலக நன்மை வேண்டி, அனுக்ஞை, விக்னேஸ்வரர் பூஜை, சங்கல்பம், லட்சுமி பூஜை, கணபதி வழிபாடு உள்ளிட்ட பூஜைகள் நடைபெற்றன. தொடர்ந்து, மஹா சண்டி ஹோமத்தில் 1008 மூலிகை பொருட்கள் மற்றும் திரவியங்களும் போடப்பட்டு பூஜைகள் நடைபெற்றன. தொடர்ந்து, மூலவருக்கு சிறப்பு அலங்காரம் செய்யப்பட்டு தீபஆராதனை காண்பிக்கப்பட்டன. இதில், ஏராளமான பக்தர்கள் கலந்து கொண்டு தரிசனம் செய்தனர். பூஜை ஏற்பாடுகளை கோவில் நிர்வாகி காளியம்மாள் செய்திருந்தார்.