ரெட்டியார்சத்திரம்: முத்தனம்பட்டி அருகே பாலம்ராஜக்காபட்டியில் ஸ்ரீ பகவதி அம்மன், ஸ்ரீ காளியம்மன், ஸ்ரீ கிருஷ்ணர், முனியப்பன் கோயில் கும்பாபிஷேக விழா நடந்தது. மங்கல இசை, விநாயகர் வழிபாட்டுடன் துவங்கிய விழாவில், கிராம காவல் தெய்வங்களுக்கு பாரம்பரிய வழிபாடுகள் நடந்தது. கணபதி ஹோமம், லலிதா சகஸ்ரநாம பாராயணம், இருகால யாகசாலை பூஜைகள் நடந்தது. திருமுறை விண்ணப்பத்துடன், கும்பங்களில் புனித நீர் ஊற்றப்பட்டது. மூலவருக்கு சிறப்பு அலங்காரத்துடன் மகா தீபாராதனை நடந்தது. உறவு வளர்ச்சி துறை அமைச்சர் ஐ.பெரியசாமிக்கு, பரிவட்டம், பூரண கும்ப மரியாதையுடன் வரவேற்பு நடந்தது. ரெட்டியார்சத்திரம் ஒன்றிய முன்னாள் தலைவர் சத்தியமூர்த்தி, மாவட்ட கூட்டுறவு ஒன்றிய முன்னாள் தலைவர் பாலம் பாண்டியன், ஸ்ரீ பாலாஜி இண்டஸ்ட்ரீஸ் நிறுவன உரிமையாளர் இளையராஜா, எஸ்.கே., தொழில் நிறுவனங்கள் குழும நிர்வாகி செந்தில் குமார் உள்பட பலர் பங்கேற்றனர். விழாவில் ஆன்மீக சொற்பொழிவு, அன்னதானம், வாணவேடிக்கை நடந்தது.