பொள்ளாச்சி: பொள்ளாச்சி மாரியம்மன் கோவில் திருவிழாவில், கம்பம் நடுதல் நிகழ்ச்சி நாளை நடக்கிறது.பொள்ளாச்சியில் பிரசித்தி பெற்ற மாரியம்மன் கோவிலில் தேர்த்திருவிழா கடந்த, 13ம் தேதி நோன்பு சாட்டுதல் நிகழ்ச்சியுடன் துவங்கியது. நாளை முக்கிய நிகழ்வான, கம்பம் நடுதல் நிகழ்ச்சி நடக்கிறது. விழாவையொட்டி, இன்று இரவு, 9:00 மணிக்கு அணி எடுப்பு நிகழ்ச்சியும், நாளை இரவு, 9:00 மணிக்கு கரியகாளியம்மன் அபிேஷகம், இரவு, 11:00 மணிக்கு கம்பம் நடுதல் நிகழ்ச்சியும் நடக்கிறது. வரும், 21ம் தேதி கரியகாளியம்மன் பண்டிகை, 23ம் தேதி இரவு, 9:00 மணிக்கு, கரியகாளியம்மனுக்கு அபிேஷகம், வரும், 27ம் தேதி இரவு, 9:00 மணிக்கு பூவோடு வைத்தல், மார்ச், 2ம் தேதி இரவு, 11:00 மணிக்கு கிராம சாந்தி, 3ம் தேதி காலை, 10:30 மணிக்கு கொடி கட்டுதல் நிகழ்ச்சியும் நடக்கிறது.தொடர்ந்து, மார்ச், 4ம் தேதி, காலை, 10:00 மணிக்கு அம்மனுக்கு, திருக்கல்யாண உற்சவம், இரவு, 7:00 மணிக்கு தேர் முதல் நாள்; 8ம் தேதி இரண்டாம் நாள் தேர், 9ம் தேதி மூன்றாம் நாள் தேர், பாரிவேட்டை, தெப்பத்தேர் வைபவம் நடக்கிறது.