மோகனூர்: மாரியம்மன் கோவில் திருவிழாவில், ஏராளமான பக்தர்கள் குண்டம் இறங்கி, அம்மனுக்கு நேர்த்திக்கடன் செலுத்தினர்.  மோகனூர் அடுத்த கிராயூர் மாரியம்மன் கோவில் திருவிழா, கடந்த, 22ல், காப்பு கட்டுதலுடன் துவங்கியது. தொடர்ந்து, காவிரி ஆற்றுக்கு  சென்ற பக்தர்கள் புனித நீராடி, தீர்த்தம் எடுத்து வந்து, கோவில் முன் நடப்பட்டுள்ள கம்பத்துக்கு ஊற்றி வழிபட்டு சென்றனர். தினமும் காலை, மாலையில், அம்மனுக்கு சிறப்பு அபி ?ஷகம், ஆராதனை நடந்தது. கடந்த, 28ல், இரவு, 7:00 மணிக்கு வடிசோறு வைத்து,  அம்மனுக்கு படையல் வைக்கப்பட்டது. நேற்று முன்தினம் காலை, 9:00 மணிக்கு காவிரி ஆற்றுக்கு சென்ற பக்தர்கள் புனித நீராடி, தீர்த்தக்குடம், பால்குடம் எடுத்து ஊர்வலமாக வந்தனர். இரவு, 7:00 மணிக்கு மாவிளக்கு பூஜை நடந்தது. நேற்று காலை, 6:00 மணிக்கு  கிடாவெட்டு நிகழ்ச்சி நடந்தது. அதையடுத்து, 10:00 மணிக்கு காவிரி ஆற்றுக்கு சென்ற ஏராளமான பக்தர்கள், கரகம் பாலித்து, புனித நீராடி, ஊர்வலமாக வந்தனர். தொடர்ந்து, கோவில் முன் அமைக்கப்பட்டிருந்த குண்டத்தில் இறங்கி, அம்மனுக்கு தங்களது வேண்டுதலை  நிறைவேற்றினர். மாலை, 6:00 மணிக்கு மஞ்சள் நீராட்டு விழாவும், இரவு, 10:00 மணிக்கு கம்பம் ஆற்றில் விடப்பட்டது.