பொள்ளாச்சி சுற்றுப்பகுதிகளில் வளர்பிறை ஏகாதசி சிறப்பு வழிபாடு
பொள்ளாச்சி: பொள்ளாச்சி மற்றும் சுற்றுப்பகுதிகளில் வளர்பிறை ஏகாதசியையொட்டி சிறப்பு பூஜைகள் நடைபெற்றன. பொள்ளாச்சி டி.கோட்டாம்பட்டி ஸ்ரீதேவி, பூதேவி சமேத வரதராஜப்பெருமாள் கோவிலில், இன்று வளர்பிறை ஏகாதசியை முன்னிட்டு, காலை, 10:30 மணிக்கு உற்சவ மூர்த்திகளுக்கு திவ்ய திருமஞ்சன அபிேஷகம் நடைபெற்றது. காலை, 11:00 மணிக்கு விஷ்ணு சகஸ்ரநாம பாராயணம் நடைபெற்றது. மதியம், 12:00 மணிக்கு மகா தீபாராதனை நடந்தது. திரளான பக்தர்கள் பங்கேற்று சுவாமி தரிசனம் செய்தனர். தொடர்ந்து அன்னதானம் வழங்கப்பட்டது. பொள்ளாச்சி மற்றும் சுற்றுப்பகுதிகளில் உள்ள பெருமாள் கோவில்களில் வளர்பிறை ஏகாதசி விழாவையொட்டி சிறப்பு பூஜைகள் நடைபெற்றன.
