தாயே சரஸ்வதியே சங்கரியே முன்னடவாய்
என்தாயே கலைவாணி யோகவல்லி நாயகியே
வாணி சரஸ்வதியே வாக்கில் குடியிருந்து
என்னாவிற் குடியிருந்து நல்லோசை தாருமம்மா
கமலா சனத்தாளே காரடி பெற்றவளே
என்-குரலிற் குடியிருந்து கொஞ்சடி பெற்றவளே
என்னாவு தவறாமல் நல்லோசை தாருமம்மா
மாரியம்மன் தன்கதையை மணமகிழ்ந்து நான்பாட
சரியாக என்னாவில் தங்கிகுடி யிருஅம்மா
கன்னனூர் மாரிமுத்தே கைதொழுது நான்பாட
பின்ன மில்லாமல் பிறகிருந்து காருமம்மா