நாம் கடவுளை வேண்டும்போது, பொன்- பொருள் வேண்டும், நீண்ட ஆயுள் வேண்டும் எனப் போன்ற வேண்டுதல்களைத்தானே முன்வைப்போம்? ஆனால் ஒரு பக்தை, தனக்கு நிறைய ஆபத்துகள் வர வேண்டும் எனப் பிரார்த்தித்தாளாம்!  ஏன் அப்படி? பேராபத்துகள் சூழும்போது, தன்னிடம் பிரியமுள்ள பகவான் பார்த்துக்கொண்டு சும்மா இருக்கமாட்டார்; தன்னை ரட்சிக்க நேரில் வருவார். அப்போது அவரைத் தரிசிக்கும் பெரும்பாக்கியம் கிடைக்கும் என்பதாலேயே அப்படி வரம் கேட்டாளாம் அந்த பக்தை. அவள் யார் தெரியுமா? பாண்டவர்களின் அன்னையான குந்திதேவி. அவள்தான் கண்ணபரமாத்மாவிடம் இப்படியொரு பிரார்த்தனையை முன்வைத்தா*õள் என்கிறது ஸ்ரீமத் பாகவதம். இந்த ஞானநூலின் முதல் ஸ்காந்தம், 8-வது அத்தியாயத்தில், குந்திதேவி செய்த ஸ்ரீகிருஷ்ண ஸ்தோத்திரம் உள்ளது. அற்புதமான அந்த ஸ்தோத்திரத்தில் ஒன்று இங்கே உங்களுக்காக...

நமஸ்யே புருஷம் த்வாத்யமீஸ்வரம் ப்ரக்ருதே: பரம்
அலக்ஷ்யம் ஸர்வபூதானாமந்தர்பஹிரவஸ்திதம்

கருத்து: ஆதிபுருஷனும் ஈச்வரனும் மாயையை விட்டு விலகினவரும் எல்லா ஜீவன்களுக்கும் உள்ளும் புறமும் இருக்கிறவரும்... அப்படி வியாப்பித்திருந்தாலும் கண்டறிய முடியாதவருமான உம்மை நமஸ்கரிக்கிறேன்.. இதைப் படித்து ஸ்ரீகிருஷ்ணனை வழிபட, சர்வ மங்கலங்களும் உண்டாகும்.