பதிவு செய்த நாள்
17
நவ
2015
02:11
பொதுநலனில் ஆர்வம் மிக்க விருச்சிக ராசி அன்பர்களே!
செவ்வாய், ராகுவால் நன்மை மேலோங்கும். மற்ற கிரகங்கள் சுமாரான நிலையில் இருப்பதால், எதிலும் விழிப்புடன் இருப்பது நல்லது. செவ்வாயால் பொருளாதார வளம் சிறக்கும். புதிய வீடு, வாகனம் வாங்க வாய்ப்புண்டு. மாத முற்பகுதியில் வருமானம் சிறப்பாக இருக்கும். தேவை அனைத்தும் பூர்த்தியாகும். குடும்ப பிரச்னை, உறவினர் மோதல் முதலியன டிச. 1 க்கு பிறகு மறையும். டிச. 10,11ல் பெண்களால் உதவி கிடைக்கும்.
தொழில், வியாபாரத்தில் சீரான வளர்ச்சி காணலாம். அறிமுகம் இல்லாதவர்களோடு தொழில் விஷயமாக பழக வேண்டாம். நவ. 23,24,25ம் தேதிகளில் எதிர்பாராத வகையில் பணம் கிடைக்கும்.போலீஸ், ராணுவத்தில் பணிபுரிபவர்கள் உயர்ந்த நிலையை அடைவர். தனியார் துறையில் வேலை பார்ப்பவர்கள் கடுமையாக உழைக்க வேண்டியதிருக்கும். சிலர் வேலை விஷயமாக குடும்பத்தை விட்டு பிரிய நேரலாம். சக ஊழியர்களின் ஒத்துழைப்பு கிடைக்கும். இடமாற்ற பீதி நவ. 30க்கு பிறகு மறையும். டிசம்பர் 2,3,4 ஆகிய தேதிகளில் எதிர்பாராத நன்மை உண்டாகும்.
கலைஞர்களுக்கு செல்வாக்கு உயரும். புதிய ஒப்பந்தம் எளிதில் கையெழுத்தாகும். நவ. 30 க்கு பிறகு விடாமுயற்சி தேவை.
அரசியல்வாதிகள் சிறப்பான பலன் காண்பர். புதிய பதவி தேடி வரும்.
மாணவர்கள் அக்கறையுடன் படிப்பது நல்லது. ஆசிரியர்களின் அறிவுரையை பின்பற்றுவது அவசியம்.
விவசாயிகள் நல்ல வருமானம் காண்பர். நெல், கேழ்வரகு, சோளம், காய்கறி, பழவகைகள் போன்ற பயிர்கள் மூலம் நல்ல மகசூல் கிடைக்கப் பெறுவர். புதிய சொத்து வாங்க வாய்ப்புண்டு. வழக்கு, விவகாரத்தில் சாதகமான முடிவு கிடைக்கும். கை விட்டுப் போன பொருள் மீண்டும் கிடைக்கும்.
பெண்கள் மகிழ்ச்சியுடன் காணப்படுவர். குடும்ப வளர்ச்சிக்கு துணைநிற்பர். பிள்ளைகளால் பெருமை அடைவர். டிச. 12,13ம் தேதிகளில் புத்தாடை, அணிகலன்கள் வாங்கலாம்.
நல்ல நாள்: நவ. 17,18, 23, 24, 25, 26, 27, டிச. 2, 3, 4, 5, 6, 10, 11, 14, 15, 16
கவன நாள்: நவ. 28, 29 சந்திராஷ்டமம்
அதிர்ஷ்ட எண்: 2, 3
நிறம்: நீலம், சிவப்பு
பரிகாரம்: சனீஸ்வரரை வழிபடுங்கள். பிரதோஷத்தன்று நந்தீஸ்வரருக்கு பாலாபிஷேகம் செய்யுங்கள். வியாழக்கிழமை தட்சிணாமூர்த்தியை வணங்குங்கள்.