முத்தியால்பேட்டை லட்சுமி ஹயக்ரீவர் கோயிலில் திருபவித்ரோத்சவ விழா
புதுச்சேரி; முத்தியால்பேட்டை ராமகிருஷ்ணா நகர், லட்சுமி ஹயக்ரீவர் கோயிலில்திருபவித்ரோத்சவ விழாவை முன்னிட்டு 92 திருவாராதனம் நிகழ்ச்சி நடந்தது.
இத்தல பெருமாளின் திருமேனி சாளக்கிராமத்தால் ஆனது. ஹயக்ரீவரின் இடது கை தாயாரையும், தாயாரின் வலது கை ஹயக்ரீவரையும் ஆலிங்கனம் செய்துள்ளது. பொதுவாக தாயார் மட்டுமே ஹயக்ரீவரை ஆலிங்கனம் செய்த நிலையில் சிலைகள் வடிக்கப்படும். இங்கே இருவரும் ஆலிங்கனம் செய்துள்ளதால், இவரை வணங்கும் தம்பதியர் ஒற்றுமையுடன் திகழ்வர் என்பது நம்பிக்கை. இங்கு படிப்பில் மந்தம் உள்ளவர்களுக்கு சிறப்பு வழிபாடு செய்யப்படுகிறது. இத்தலத்தில் 54 ஆம் ஆண்டு திருபவித்ரோத்சவ விழா சிறப்பாக நடைபெற்று வருகிறது. விழாவை முன்னிட்டு இன்று சுவாமிக்கு 92 திருவாராதனம் நிகழ்ச்சி நடந்தது. இதில் ஏராளமான பக்தர்கள் கலந்து கொண்டு தரிசனம் செய்தனர்.
