சத்தரை கிராமம்  வைஷ்ணவ குடும்பங்கள் பரவியிருந்து நில பலன்களுடன் மாட  மாளிகைகளாக திகழ்ந்த க்ருஹங்கள் அமைத்து, பரந்த வசதிகளுடன் வாழ்ந்தனர். ப்ரஸித்த ஆசார்யர்கள் சிலர் இவ்வூர் ஸம்பந்தம் பெற்றவர்கள் என்ற பெருமை இந்த ஊருக்கு உண்டு.

கூபவதி’ என்று பிரசித்தி பெற்ற கூவம் ஆற்றின் முகத்வாரத்தில் அøம்ந்துள்ள ‘சத்தரை’   என்ற க்ராமத்தில் நம்மாழ்வாரால் தம் திருவாய்மொழியில் பரக்கப் பாடிப் போந்த  கமலவல்லி கநகவல்லி நாயிகா சமேத  கருமாணிக்கப் பெருமாள், இனிய அமைதியான சூழலில் நல்ல கோயில் கொண்டு, பாங்காய் தம்மை நாடிவரும் பக்கதர்களின் ஆத்ம உஜ்ஜீவனத்திற்காக, கிழக்கே திருமுக மண்டலத்துடன் மனதை மயக்கும் பேரழகுடன் காட்சி தருகிறார். சுமார் 600 ஆண்டுகள் பழமையான இந்த ஆலயத்தின் கருவறையில்  கருமாணிக்கப்பெருமாள் நின்ற திருக்கோலத்திலும்,  லக்ஷ்மி நரசிம்மர், கிருஷ்ணர், ஆண்டாள் மற்றும் சக்ரத்ழாவார் உற்ச்சவ மூர்த்திகளும் உள்ளன.

புராதன காலத்தில் கோயிலுக்கு மதிள் சுவர் இல்லாமல் , ப்ரதான சந்நிதி மட்டுமே இருக்க, பின்னர் இவ்வூரைச் சேர்ந்த சான்றோர்களால் மதிள்சுவர் மற்றும் திருமடைப்பள்ளி கட்டப் பெற்று, நித்ய ஆராதனங்கள் செவ்வனே நடைபெற பெருமாளுக்கு 9 ஏக்கர் விளைநிலமும் எழுதி வைக்கப்பட்டுள்ளது.