திருவண்ணாமலை: திருவண்ணாமலை, அருணாசலேஸ்வரர் கோவிலில், வழக்கம்போல் இன்று (26), நடை திறந்திருக்கும் என, கோவில் நிர்வாகம் அறிவித்துள்ளது.

திருவண்ணாமலை, அருணாசலேஸ்வரர் கோவிலில், ஆகம விதிப்படி, அமாவாசை நாட்களில் கிரகணம் வந்தால், கிரகணம் தொடங்கும் முன்பு, தீர்த்தவாரி நடப்பது வழக்கம். அதன்படி இன்று, காலை, 8:08 மணிக்கு சூரிய கிரகணம் தொடங்கி, 11:15 மணிக்கு முடிகிறது. இதையொட்டி கிரகணம் தொடங்கும் நேரத்தில், கோவில் வளாகத்தில் உள்ள, பிரம்ம தீர்த்தக்கரையில், சூல ரூப தீர்த்தவாரி நடக்கும். மேலும், கோவில் நடை வழக்கம்போல் திறந்திருக்கும். தரிசனத்திற்கு பக்தர்கள் அனுமதிக்கப்படுவார்கள் என, கோவில் நிர்வாகம் அறிவித்துள்ளது.