குரோம்பேட்டை : பிரம்ம குமாரிகள் இயக்கம் சார்பில், அமர்நாத் பனிலிங்கம் மற்றும் 12 ஜோதிர்லிங்க தரிசன நிகழ்ச்சி, நேற்று தொடங்கியது.

பிரஜாபிதா பிரம்ம குமாரிகள் ஈஸ்வரிய விஷ்வ வித்யாலயம் சார்பில், அமர்நாத் பனிலிங்கம் மற்றும் 12 ஜோதிர்லிங்க தரிசன நிகழ்ச்சி, குரோம்பேட்டை, ஸ்ரீ பாலாஜி மஹாலில், நேற்று தொடங்கியது.டிச.,5ம் தேதி வரை நடக்கும் இந்த தரிசன நிகழ்ச்சியை, காலை, 9:30 முதல் இரவு, 9:00 மணிவரை கண்டு ரசிக்கலாம். இதில், பங்கேற்கும் மக்களுக்கு, அமர்நாத் பனிலிங்கம் மற்றும் 12 ஜோதிர்லிங்க கோவில்களை, ஒரே இடத்தில் தரிசிக்கும் வாய்ப்பு கிடைக்கும். அதுவும், அந்தந்த கோவில்களின் லிங்கங்களை, அதே உருவில் அங்கு சென்று, நேரில் தரிசனம் செய்வது போன்று, ஒரு அனுபவம் கிடைக்கும் என, பிரம்ம குமாரிகள் இயக்கத்தினர் தெரிவித்தனர்.