கடலுார், : கடலுார் பாடலீஸ்வரர் கோவிலில் ஆனி திருமஞ்சனத்தையொட்டி சிறப்பு பூஜைகள் நடந்தது.

கடலுார் பாடலீஸ்வரர் கோவிலில் ஆனி திருமஞ்சனத்தையொட்டி உற்சவர் நடராஜர், சிவகாம சுந்தரி, மாணிக்கவாசகருக்கு நேற்று காலை 7:30 மணிக்கு மஞ்சள் பொடி, தேன், பால், சந்தனம், விபூதி, இளநீர் என 21 வகையான பொருட்களால் சிறப்பு அபிஷேகம் நடந்தது.பின்னர், புனித நீர் அடங்கிய கலசங்கள் வைத்து பூஜை நடந்தது. அதனைத் தொடர்ந்து, சிறப்பு அலங்காரம் செய்து, தீபாராதனை நடந்தது.