திருவாடானை; திருவாடானை அருகே 100 வீடுகள் கொண்ட கீழக்குடி கிராமத்தில் 30க்கும்மேற்பட்ட கோயில்கள் உள்ளன.அதிகமான கோயில்களை கட்டி இக்கிராம மக்கள் ஆன்மிக வழிபாட்டில் சிறந்து விளங்குகின்றனர்.

இங்கு அய்யனார், சிவசூரியபெருமாள், அங்காளபரமேஸ்வரி, காளி, ராக்காச்சி, திருவனந்தார், பேச்சியம்மாள், மாரியம்மன், முத்துமாரியம்மன், மகாலிங்கமூர்த்தி போன்றகோயில்கள் உள்ளன.கொரோனாவால் சிலகுலதெய்வ கோயில்களை தவிர பெரும் பாலான கோயில்கள் மூடப்பட்டுஉள்ளன.இக்கிராம மக்கள் கூறியதாவது: சிவராத்திரி மற்றும் சித்திரை மாதத்தில் கோயில் திருவிழாக்கள் நடத்துவோம். கொரோனாவால் விழாக்களுக்குதடை விதிக்கப்பட்டுள்ளதால் கவலையாக உள்ளது. முடி இறக்குதல் போன்ற நேர்த்திக்கடன் கூட செலுத்த முடியவில்லை, என்றனர்.