ராமேஸ்வரம்:அயோத்தியில் ஸ்ரீராமர் கோயில் கட்டுமானம் துரிதமாக நடக்க ராமேஸ்வரத்தில் பா.ஜ., ஹிந்து அமைப்பினர் பூஜை செய்தனர்.அயோத்தியில் ஸ்ரீராமர் கோயிலுக்கு பிரதமர் மோடி அடிக்கல் நாட்டியதும், கட்டுமான பணி துரிதமாக நடக்க வேண்டி ராமேஸ்வரம் ஆத்மராமர் கோயில் பா.ஜ., மாவட்ட தலைவர் முரளீதரன், நகர் தலைவர் ராமநாதன், மாவட்ட பொதுச்செயலர் சுந்தரமுருகன் உட்பட பலர் சிறப்பு பூஜை செய்தனர்.

ராமேஸ்வரம் ஸ்ரீஅபாய ஆஞ்சநேயர் கோயிலில் இந்து முன்னணி சார்பில் அனுமான் வேடமிட்ட பக்தர், தத்ரூபமாக ராமர் படத்திற்கு பூஜை செய்து மகா தீபாராதனை நடத்தினார். இந்து முன்னணி மாவட்ட பொதுச்செயலர் ராமமூர்த்தி, நகர் தலைவர் நம்புராஜன், மாவட்ட செயலர் ராஜசேகர் பங்கேற்றனர். காஞ்சி சங்கராச்சாரியார் மடத்தில் நிர்வாகி சாச்சா தலைமையில் புரோகி தர்கள் ராமர் படத்திற்கு பூஜை செய்து, பக்தருக்கு பிரசாதம் வழங்கினர். ராமர் தீர்த்த கோயிலில் இந்து மக்கள் கட்சி மாவட்ட தலைவர் பிரபாகரன், வலம்புரி சங்குகள், அக்னி தீர்த்த மணல் வைத்து பூஜை செய்து தபால் மூலம் அயோத்திக்கு அனுப்பினார்.