விக்கிரவாண்டி: விக்கிரவாண்டி அடுத்த தும்பூரில் வள்ளலார் அவதார திருவிழா நடந்தது. விக்கிரவாண்டி ஒன்றியம் தும்பூர் கிராமத்தில் சமரச சுத்தசன்மார்க்க சங்கம் சார்பில் நடந்த வள்ளலார் திருஅவதார திருநாளை முன்னிட்டு காலை 6:00 மணிக்கு வள்ளலார் சிலை மலர்களால் அலங்கரித்து, சன்மார்க்க பக்தர்களால் அகவற்பாராயணம் படித்தனர். பின்னர் 7.30 மணிக்கு சென்னை பாலசுப்பிரமணியம் சன்மார்க்க நீதிக்கொடி ஏற்றி வைத்து வள்ளலார் தேர்திருவீதி உலா பக ல் 1:00 மணிக்கு ஜோதி தரிசனம் நடைபெற்றது. வள்ளலார் அவதார திருநாளில் தும்பூர் மற்றும் சுற்றுப்புற கிராமங்களை சேர்ந்த சன்மார்க்கபக்தர்கள் ஏராளமானோர் திரளாக கலந்து கொண்டு ஜோதி தரிசனம் செய்தனர். விழா ஏற்பாடுகளை ராமலிங்கம், வெங்கடேசஜன், கார்த்திகேயன், தலைவர் சீனுவாசன், செயலாளர் துரை , பொருளாளர் சுப்பிரமணி மற்றும் விழா குழுவினர் செய்திருந்தனர்.