பெரியகுளம்: ‘‘ பெரியகுளம் நாமத்வார் பக்தர்கள் வைகுண்ட ஏகாதசியை முன்னிட்டு 1கோடி நாம ஜபம் செய்து‘ வாட்ஸ் – ஆப்’பில் அனுப்பி அனைத்து நன்மைகளும் பெறுவோம்,’’என,
ஒருங்கிணைப்பாளர் கிருஷ்ணசைதன்ய தாஸ் அழைப்பு விடுத்துள்ளார். பெரியகுளம் தெற்கு அக்ரஹாரம் நாமத்வார் பிரார்த்தனை மையத்தில் சுவாதி திருநட்சத்திரத்தை முன்னிட்டு கிருஷ்ணர், ராதைக்கு திருமஞ்சனம் பூஜை நடந்தது. அலங்காரத்தில் காட்சியளித்தனர். ஒருங்கிணைப்பாளர் கூறியதாவது: உலக நன்மைக்காகவும், எல்லோருக்கும் எல்லா விதமான நன்மைகள் ஏற்படவும் 1கோடி நாம ஜபம் செய்வோம். அதன்படி ‘ஹரே ராம ஹரே ராம ராம ராம ஹரே ஹரே ஹரே கிருஷ்ண ஹரே கிருஷ்ண கிருஷ்ண கிருஷ்ண ஹரே ஹரே’மந்திரத்தை தினமும் ஜபம் செய்து 92454 39344 என்ற ‘வாட்ஸ் ஆப்’ எண்ணிற்கு அனுப்ப வேண்டும். இவை டிச. 25 வைகுண்ட ஏகாதசியன்று கிருஷ்ணர், ராதை பாதத்தில் வைத்து சமர்ப்பணம் செய்யப்படும், என்றார்.