தேவகோட்டை: கொரோனா தொற்று இரண்டாம் அலை தேவகோட்டையில் அதிகமாக பரவி வருகிறது. உயிரிழப்பும் அதிகம் இருக்கிறது. கொரோனா தொற்றை மேலும் தொற்றாமல் தடுப்பூசி முகாம், சிகிச்சைகள் நடந்து வருகிறது. இந்நிலையில் கொரோனா விலகி மக்கள் சௌபாக்யமாக நோய் இன்றி வாழ நித்திய கல்யாணிபுரத்தில் உள்ள சௌபாக்ய துர்க்கை அம்மன் கோயிலில் ராகு தோஷங்கள் விலக ராகு அதிபதி துர்க்கை அம்மனுக்கு, சிறப்பு ஹோமம் நடந்தது. ஹோமத்தை தொடர்ந்து அம்மன், மற்றும் சுப்பிரமணியர் உட்பட அனைத்து சுவாமிகளுக்கு அபிஷேகங்கள் சிறப்பு பூஜைகள் நடந்தன. நவநீதன் குருக்கள், ரமேஷ் குருக்கள் ஏற்பாடுகளை செய்தனர்.