விருதுநகர்: சிவகாசியில் 11-ம் நுாற்றாண்டை சேர்ந்த இரண்டு சதிக்கல் சிலைகள் கண்டெடுக்கப்பட்டது. சிவகாசி -- சாத்துார் ரோட்டில் பழைய பஸ் ஸ்டாண்ட் அருகில் உள்ள தனியார் பெட்ரோல் பங்க் முன் ரோடு விரிவாக்க பணியின் போது சதிக்கல் சிலை கண்டறியப்பட்டது. சிலையை பற்றி யாருக்கும் தெரியாததால் கேட்பாரற்று ரோட்டோரம் கிடந்துள்ளது. அப் பகுதியினர் இச்சிலைக்கு பீடம் அமைத்தனர். இதை அருங்காட்சியக காப்பாட்சியர் கிருஷ்ணம்மாள் கண்டெடுத்து அவர் கூறியதாவது: இறந்த கணவனுக்காக மனைவி உடன்கட்டை ஏறும் நிகழ்வுதான் சதி. இந்த சிலையில் கணவன் மனைவி ஒரு கால்களை தொங்கவிட்டு அமர்ந்த நிலையில் உள்ளனர். யார் நினைவாக உருவாக்கப்பட்டது என எந்த குறிப்புகளும் இல்லை. பக்கவாட்டு கொண்டையுடன் சிலைகள் உள்ளன. இது 11-ம் நுாற்றாண்டை சேர்ந்ததாகும். கலெக்டரிடம் அனுமதி வாங்கி இரண்டு சிலைகளும் விரைவில் விருதுநகர் அருங்காட்சியகம் கொண்டு வரப்படும். என்றார்.