ஒட்டன்சத்திரம் : வாரத்தின் ஏழு நாட்களிலும் கோயில்களை திறந்து பக்தர்கள் தரிசனம் செய்ய அனுமதிக்க வேண்டும் என சிவ பக்தர்கள் குழு வலியுறுத்தியுள்ளது. மாநிலத் தலைவர் விஸ்வரத்தினம் கூறியிருப்பதாவது:தமிழ்நாட்டில் பெரும் தொற்று கட்டுக்குள் இருப்பதையொட்டி பள்ளிகள், கல்லுாரிகள், மதுக்கடைகள், சினிமா தியேட்டர்கள் திறக்கப்பட்டுள்ளது. பெரிய பெரிய மால்கள் திறக்கப்பட்டுள்ளன.சுற்றுலா தலங்களும் வழக்கம் போல் செயல்பட அரசு அனுமதி அளித்துள்ளது. ஆனால் வாரத்தின் இறுதி மூன்று நாட்கள் கோயில்கள் அடைத்து வைக்கப்பட்டு உள்ளது. இதனால் பக்தர்களுக்கு மிகுந்த வேதனை ஏற்படுகின்றது.ஹிந்து மத வழிபாட்டுக்கு உகந்த நாளான வெள்ளி, விடுமுறை நாளான ஞாயிறு கிழமைகளில் கோயிலில் வழிபட முடியாமல் தவிக்கின்றனர். எனவே வாரத்தின் ஏழு நாட்களும் கோயில்களைத் திறந்து பக்தர்கள் தரிசனம் செய்வதற்கு அரசு அனுமதிக்க வேண்டும். இவ்வாறு அவர் கூறியுள்ளார்.