திருக்கோவிலூர்: திருக்கோவிலூரில் விநாயகர் சதுர்த்தியை முன்னிட்டு பூஜை பொருட்களை வாங்க மக்கள் கூட்டம் அலைமோதியது. திருக்கோவிலூரில் ஐந்து முனை ரோடு, ஏரிக்கரை மூலை, மார்க்கெட் என நகரின் முக்கிய இடங்களில், வீடுகளில் வைத்து வழிபடுவதற்கான விநாயகரை களிமண்ணால் செய்தும், ஏற்கனவே செய்யப்பட்ட விநாயகர் விற்பனைக்கு வைக்கப்பட்டிருந்தது. இதனை மக்கள் ஆர்வமுடன் வாங்கிச் சென்றனர். மேலும் விநாயகர் வழிபாட்டுக்கு தேவையான குடை, மாலை உள்ளிட்ட பூஜை பொருட்கள் வாங்குவதற்காகவும் கூட்டம் அலைமோதியது. திருக்கோவிலூர் டி.எஸ்.பி., கங்காதரன் மேற்பார்வையில், இன்ஸ்பெக்டர் பாபு தலைமையில், சப்-இன்ஸ்பெக்டர் சிவச்சந்திரன் மற்றும் போலீசார் ஆங்காங்கே பாதுகாப்பு பணியில் ஈடுபட்டனர்.