பண்ருட்டி : பண்ருட்டி அடுத்த திருவதிகை சரநாராயண பெருமாள் கோவிலில் நேற்று புரட்டாசி மாத ஏகதின பிரம்மோற்சவம் நடந்தது.

கடலுார் மாவட்டம் பண்ருட்டி அடுத்த திருவதிகை சரநாராயண பெருமாள் கோவிலில் நேற்று புரட்டாசி மாத ஏகதின பிரம்மோற்சவம் நடந்தது. பிரம்மோற்சவத்தில் திருப்பதியில் நடப்பதுபோல் காலை முதல், இரவு வரை பூஜைகள் நடந்தது. விழாவையொட்டி நேற்று காலை 5:00 மணிக்கு சுப்ரபாதம், 6:00 மணிக்கு தோமாலை, 7:00 மணிக்கு கொடியேற்றம் நடந்தது. காலை 8:00 மணிக்கு உற்சவர் பெருமாள் அம்சவாகன சேவை, 9:00 மணிக்கு சிம்ம வாகன சேவை, 10:00 மணிக்கு அனுமந்த வாகன சேவை, 11:00 மணிக்கு சேஷவாகன சேவை, பகல் 12:00 மணிக்கு கருட சேவை நடந்தது.மாலை 3:00 மணிக்கு யானை வாகன சேவை, 4:00 மணிக்கு சூர்ணோற்சவ சேவை, 5:00 மணிக்கு குதிரை வாகன சேவை, 6:00 மணிக்கு திருத் தேர் உற்சவம், இரவு 7:00 மணிக்கு தீர்த்தவாரி, 7:30 மணிக்கு கொடியிறக்க நிகழ்ச்சியும் நடந்தது. விழாவில் பக்தர்கள் அனுமதிக்கப்படவில்லை. இன்று 20ம்தேதி புஷ்பயாகம் நடக்கிறது.