கோவை: ஸ்ரீசத்ய சாய் பாபாவின் பிறந்தநாள் விழா, கோவையில் வெகு சிறப்பாக கொண்டாடப்பட்டது.கோவை ரேஸ்கோர்ஸ் வெஸ்ட் கிளப் ரோட்டில் உள்ள ஸ்ரீ சத்ய சாய் மந்திரில், பகவான் ஸ்ரீசத்ய சாய் பாபாவின், 96வது பிறந்த தினம் நேற்று காலை, 5:00 முதல், 11:00 மணி வரை வெகு சிறப்பாக கொண்டாடப்பட்டது.உலக மக்கள் நலனுக்காக, ஹோமங்கள் செய்யப்பட்டன. மங்கல ஆரத்தியுடன் காலை நிகழ்ச்சிகள் நிறைவடைந்தன. மாலை, 4:30 முதல் 6:30 மணி வரை வேத பாராயணம், பஜன், கர்நாடக இசை, ஊஞ்சல் உற்சவம் உள்ளிட்ட நிகழ்ச்சிகள் நடந்தன.கோவை மாவட்ட ஸ்ரீ சத்ய சாய் சேவா நிறுவன தலைவர் ராஜ சுப்ரமணியம் கூறுகையில், பகவான் ஸ்ரீ சத்ய சாய் பாபாவின், 96வது பிறந்தநாள் உலகம் முழுவதும் உள்ள சாய் பக்தர்களால், கொண்டாடப்பட்டு வருகிறது. கோவையில் உள்ள சாய் பக்தர்கள் இங்கு வெகு விமர்சையாக கொண்டாடி மகிழ்ந்தனர், என்றார்.