ஹிந்து பக்தர்களுக்கு விசா: பாகிஸ்தான் தூதரகம் அறிவிப்பு
எழுத்தின் அளவு:
பதிவு செய்த நாள்
02டிச 2021 10:12
புதுடில்லி : தங்கள் நாட்டின் பல்வேறு ஹிந்து மத வழிபாட்டு தலங்களுக்கு வருகை தரும் 136 பேருக்கு விசா வழங்கப்பட்டு உள்ளதாக, பாக்., துாதரம் கூறி உள்ளது.
அண்டை நாடான பாகிஸ்தானின் சிந்து மாகாணத்தில் உள்ளது ஷதானி தர்பார். இதனை நிறுவிய சிவனின் அவதாரமாக கருதப்படும் சத்குரு சந்த் ஷதரம் சாஹிபின் 313வது அவதார விழா கொண்டாட்டம், நாளை மறுநாள் முதல் 14ம் தேதி வரை நடைபெற உள்ளது. இந்நிகழ்வில் நம் நாட்டில் இருந்து ஆண்டு தோறும் ஏராளமான ஹிந்துக்கள் மற்றும் சீக்கியர்கள் பங்கேற்பது வழக்கம். இதன்படி தற்போது இந்தியாவிலிருந்து வரும் 136 பக்தர்களுக்கு விசா வழங்கப்பட்டு உள்ளது என, டில்லியில் உள்ள பாக்., துாதரகம் நேற்று கூறி உள்ளது.அனைத்து மத வழிபாட்டு தலங்களுக்கும் பாக்., மரியாதை தருவதுடன், மத நல்லிணக்கத்தை மேம்படுத்தும் முயற்சியாக இதை கருத வேண்டும் என துாதரகம் அறிவித்துள்ளது.