புதுச்சேரி: கருவடிக்குப்பம் சித்தானந்த சுவாமி கோவிலில் 108 சங்காபிஷேகம் நடந்தது.கருவடிக்குப்பம், ஸ்ரீமத் குரு சித்தானந்த சுவாமி கோவிலில், கார்த்திகை மாதம் 4வது சோமவாரத்தை முன்னிட்டு, குரு சித்தானந்த சுவாமிக்கு, 108 சங்காபிஷேகம் நேற்று நடந்தது. காலை 6:00 மணிக்கு சங்கு பிரதிஷ்டை, 6:30 மணிக்கு கணபதி ஹோமம், ருத்ர ஹோமம் நடைபெற்றது. 8:00 மணி முதல் 9:00 மணி வரை மகா அபிஷேகம், 9:00 மணியில் இருந்து 11:00 மணி வரை சங்காபிஷேகம், தீபாராதனை நடந்தது. சிறப்பு அலங்காரத்தில் சுவாமி பக்தர்களுக்கு அருள்பாலித்தார். ஏராளமான பக்தர்கள் தரிசனம் செய்தனர்.விழா ஏற்பாடுகளை தேவ சேனாதிபதி குருக்கள், அறங்காவலர் குழு தலைவர் இளங்கோவன் தலைமையிலான குழுவினர் செய்திருந்தனர்.