அன்னூர்: அன்னூர் ஐயப்பன் கோவில் திருவிழா இன்று, வாஸ்து பூஜையுடன் துவங்குகிறது.

அன்னூர், ஸ்ரீ ஐயப்பன் திருக்கோவில், 52ம் ஆண்டு திருவிழா இன்று துவங்குகிறது. இன்று மாலை 6:00 மணிக்கு, வாஸ்து பூஜை நடக்கிறது. வரும் 16ம் தேதி காலை 6:00 மணிக்கு கொடியேற்றமும், வேள்வி பூஜையும் நடக்கிறது. 17ம் தேதி மாலை 6:00 மணிக்கு கலச தீர்த்தம் கொண்டு வருதல் மற்றும் வேள்வி பூஜை நடக்கிறது. வரும் 18ம் தேதி, அதிகாலையில், மகா கணபதி ஹோமமும், ஐயப்பனுக்கு 16 வகையான திரவியங்களால் அபிஷேகமும், மதியம் அன்னதானம் வழங்குதலும் நடக்கிறது. வரும், 19ம் தேதி காலை 11:30 மணிக்கு, யானை, குதிரை, செண்டை மேளத்துடன், புலி வாகனத்தில், ஐயப்ப சுவாமி திருவீதி உலா, முக்கிய வீதிகள் வழியாக நடக்கிறது. ஏற்பாடுகளை, ஐயப்ப பக்தர்கள் செய்து வருகின்றனர்.