ஸ்ரீ காளஹஸ்தி: திருப்பதி மாவட்டம் ஸ்ரீ காளஹஸ்தி சிவன் கோயிலில் இன்று (19ம் தேதி) காலை 10 மணிக்கு கோயிலில் சங்கட ஹர சதுர்த்தியை யொட்டி கோயில் வளாகத்தில் உள்ள ஸ்ரீ அஞ்ஞி அஞ்ஞி விநாயகர் சுவாமி சன்னதி அருகில் சங்கடஹர சதுர்த்தி மகா கணபதி ஹோமம் ,நைவேத்தியம், மந்திரபுஷ்பம் மற்றும் மகா தீபாராதனை நடத்தப்பட்டது. மூலவரான விநாயக சுவாமிக்கு சிறப்பு அபிஷேக ஆராதனைகள் நடந்த பின்னர் சிறப்பு அலங்காரம் செய்யப்பட்டதை தொடர்ந்து  ஏராளமான பக்தர்கள் சாமி தரிசனம் செய்தனர். இந்நிகழ்ச்சியில் சிவன் கோயில்  அறங்காவலர் குழு தலைவர் அஞ்சூரு.தாரக சீனிவாசலு, அறங்காவலர் குழு உறுப்பினர்கள் மற்றும் கோயில் அதிகாரிகள், அர்ச்சகர்கள் வேத பண்டிதர்கள் கலந்து கொண்டனர்.