முதுகுளத்தூர்: முதுகுளத்தூர் பரமக்குடி சாலை மின்வாரிய அலுவலகம் எதிரே உள்ள ஐயப்பன் கோயிலில் முதுவை சாஸ்தா ஐயப்ப பக்தர்கள் குழு சார்பில் ஆடி மாத முதல் தேதி முன்னிட்டு சிறப்புபூஜை நடந்தது. குருநாதர் திருமால், துணைகுருநாதர் கிருஷ்ணன் தலைமை வகித்தனர். காலை 6 மணிக்கு கணபதி ஹோமம் தொடங்கி, சிறப்புபூஜைகள் நடந்தது. பின்பு படிபூஜை, பஜனைகள் நடந்தது. முதுவை சாஸ்தா ஐயப்ப பக்தர்கள் குழு சார்பில் அன்னதானம் வழங்கப்பட்டது. இதேபோன்று முதுகுளத்தூர், கமுதி பகுதியில் உள்ள ஐயப்பன் கோயிலில் ஆடி மாத சிறப்பு பூஜை நடந்தது.