ஆர்.எஸ்.மங்கலம்: ஆர்.எஸ்.மங்கலம் அரசாளவந்தன் அம்மன் ஆலய, பால்குடம் மற்றும் பூச்செரிதல் விழா நேற்று காப்பு கட்டுதலுடன் துவங்கியது. முன்னதாக, அம்மனுக்கு சிறப்பு அபிஷேக ஆராதனைகள் நடைபெற்று, தீப ஆராதனை காண்பிக்கப்பட்டு, காப்பு கட்டப்பட்டு விழா துவங்கியது. விழாவின் தொடர்ச்சியாக ஜூலை 22-ல், திருவிளக்கு பூஜை நடைபெற்று, ஜூலை 26 ல் பால்குடம் மற்றும் பூச்செரிதல் விழா நடைபெறுவதுடன், விழா நிறைவடைகிறது. விழா ஏற்பாடுகளை ஆர்.எஸ்.மங்கலம் இந்து சமய மன்ற நிர்வாகிகள் செய்து வருகின்றனர்.