பரமக்குடி: பரமக்குடியில் உள்ள கோயில்களில் ஆடிப்பூர விழா கோலாகலமாக நடந்தது.

பரமக்குடி சுந்தரராஜ பெருமாள் கோயிலில் தனிச் சன்னதியில் ஆண்டாள் நின்ற திருக்கோலத்தில் அருள் பாலிக்கிறார். இங்கு நேற்று காலை சிறப்பு அபிஷேகம் நடத்தப்பட்டு வளையல் அலங்காரம் நடந்தது. பின்னர் மாலை பாகவதர்களின் பஜனை பாடல் நிகழ்ச்சிகளும், தொடர்ந்து பெண்களுக்கு வளையல் பிரசாதம் வழங்கப்பட்டது. எமனேஸ்வரம் வரதராஜ பெருமாள் கோயிலில் பெருமாள் மற்றும் ஆண்டாளுக்கு சிறப்பு ஹோமங்கள் அபிஷேகம் நடத்தப்பட்டன. பரமக்குடி அனுமார் கோதண்டராமசாமி கோயில் ஆண்டாள் சன்னதியில் சிறப்பு அபிஷேகம் நடந்தது. தொடர்ந்து பரமக்குடியில் உள்ள துர்க்கை அம்மன், வீரமாகாளி, சந்தன மாரியம்மன், முத்தாலம்மன், மீனாட்சி அம்மன் மற்றும் உள்ள அனைத்து கோயில்களிலும் வளையல் திருவிழா நடந்தது.