பெ.நா.பாளையம்: பெரியநாயக்கன்பாளையம் அருகே சாமநாயக்கன்பாளையத்தில் உள்ள ஆண்டாள் திருநாச்சியார் சமேத ரங்க மன்னார் திருக்கோயிலில் ஆடிப்பூர திருத்தேர் உற்சவம் நடந்தது.

கடந்த, 24ம் தேதி கொடியேற்றத்துடன் விழா தொடங்கியது. தொடர்ந்து, திவ்ய பிரபந்த சேவா காலம், சிறப்பு அலங்காரம், நெய் வைத்தியம் தீர்த்த பிரசாதம் வழங்குதல் ஆகிய நிகழ்ச்சிகள் நடந்தன. விழாவின், முக்கிய நாளான ஆடிப்பூர திருத்தேர் விழா நேற்று நடந்தது. காலை, 6:00 மணிக்கு திருப்பல்லாண்டு, திருப்பள்ளி எழுச்சி, திருப்பாவை பாராயணம் நடந்தது. தொடர்ந்து காலை, 9:00 மணி முதல், 11:00 மணிக்குள் சுவாமி திருக்கல்யாண உற்சவம், திருத்தேர் உலா நடந்தது. மதியம் அன்னதானத்துக்கு ஏற்பாடு செய்யப்பட்டு இருந்தது. மாலை, 3:00 மணிக்கு உற்சவம் மற்றும் ஊஞ்சல் சேவை நடந்தது. இன்று காலை, 10:00 மணிக்கு சுதர்சன திருமஞ்சனமும், காலை, 11:00 மணியளவில் கொடி இறக்குதல் நிகழ்ச்சி, தீபாராதனை, பிரசாதம் வழங்குதல் நிகழ்ச்சிகள் நடக்கின்றன. விழாவுக்கான ஏற்பாடுகள், ஸ்ரீ ஆண்டாள் நவநீத வேங்கட கிருஷ்ண தர்ம பரிபாலன சபை சார்பில் செய்யப்பட்டு இருந்தது.