பெ.நா.பாளையம்: நாட்டின், 75வது சுதந்திர தின விழாவையொட்டி, நரசிம்மநாயக்கன்பாளையம் அங்காளம்மன் கோவிலில் தேசியக்கொடியுடன் அங்காளம்மன் சிறப்பு அலங்காரத்தில் பக்தர்களுக்கு அருள் பாலித்தார்.

நாட்டின், 75 வது சுதந்திர தினத்தை சிறப்பாக கொண்டாட மத்திய அரசு பல்வேறு அறிவுரைகளை வழங்கியது. வீடுகளில், 13, 14, 15 ஆகிய தேதிகளில் கொடிகளை ஏற்றவும் கூறி இருந்தது. துடியலூர், பெரியநாயக்கன்பாளையம் வட்டாரங்களில் பல வீடுகளில் தேசியக்கொடி கடந்த மூன்று நாட்களாக பட்டொளி வீசி பறந்தது.

நரசிம்மநாயக்கன்பாளையத்தில் உள்ள அங்காளம்மன் கோவிலில் தேசியக்கொடியுடன், அங்காளம்மன் சிறப்பு அலங்காரத்தில் பக்தர்களுக்கு அருள் பாலித்தார். சுதந்திர தினத்தையொட்டி, சிறப்பு பூஜைகள் நடந்தன. இதில், திரளான பக்தர்கள் கலந்து கொண்டனர். இதே போல பாலமலை ரங்கநாதர் கோவில், நாயக்கன்பாளையம் கரிவரதராஜ பெருமாள் கோவில் உள்ளிட்ட பல்வேறு கோவில்களில் பக்தர்களின் வருகை, வழக்கத்தை விட அதிகமாக இருந்தது. கோவில்களில் அன்னதானம் நடந்தது.