மதுரை: மதுரை ரயில்வே கோட்டம் சார்பில் தை அமாவாசையை முன்னிட்டு காசிக்கு சிறப்பு ரயில்கள் இயக்கப்படவுள்ளது.

இந்த ரயில் மதுரையில் இருந்து ஜன. 16 ல் புறப்படுகிறது. ஜன. 19 ல் திரிவேணி சங்கமத்தில் புனித நீராடல் அலோபி தேவி சக்தி பீடம் தரிசனம் ஜன. 20ல் கங்கையில் புனித நீராடி காசி விஸ்வநாதர் அன்னபூரணி விசாலாட்சி சக்தி பீட தரிசனம் ஜன. 21ல் கயாவில் முன்னோர்களுக்கு பிண்ட பூஜை செய்து மங்கள கவுரி சக்தி பீட தரிசனம்.

ஜன. 23 ல் காமாக்கியா தேவி சக்தி பீட தரிசனம் ஜன. 25 ல் கொல்கத்தா காளி தேவி காளிகாட் பேளூர் மடம் தச்சினேஸ்வரர் தரிசனம் ஜன.26ல் ஒடிசா பூரி கொனார்க் சூரிய கோயில் சந்திரபாகா கடற்கரை பூரி ஜெகநாதர் பிமலா தேவி சக்தி பீடம் தரிசனம் முடித்து ஜன. 28 ல் மதுரை வந்து சேரும். இரண்டாம் வகுப்பு துாங்கும் வசதி பெட்டி ரயில் கட்டணம் தங்குமிடம் உணவு உள்ளூர் பஸ்வசதி ஆகியவை உட்பட நபர் ஒருவருக்கு ரூ. 21 ஆயிரத்து 500 கட்டணம். குளிர்சாதன மூன்றடுக்கு படுக்கை வசதி பெட்டியில் பயணிக்க கட்டணம் ரூ.27 ஆயிரத்து 800. டிக்கெட்டுகளுக்கு www.ularail.com என்ற இணையதளத்தில் பதிவு செய்யலாம். விவரங்களுக்கு 73058 58585ல் தொடர்பு கொள்ளலாம் என ரயில்வே நிர்வாகம் தெரிவித்துள்ளது.