சாத்துார்: சாத்தூர் இருக்கன்குடி மாரியம்மன் கோயிலில் உலக மக்கள் நன்மைக்காக 1008 சங்காபிஷேகம் அம்மனுக்கு நடந்தது. நேற்று காலையில் கோயில் வளாகத்தில் சிறப்பு கணபதி ஹோமத்துடன் புனித நீர் நிரப்பப்பட்ட 1008 சங்குகளுக்கும், பூரண கும்பத்திற்கும் சிறப்பு பூஜை நடந்தது.

கோயில் உதவி ஆணையாளர் கருணாகரன், கோயில் பரம்பரை பூஜாரிகள் அறங்காவலர்கள் குழுத் தலைவர் ராமமூர்த்தி பூஜாரி, பரம்பரை பூஜாரிகள் தலைமையில் சிறப்பு யாகசாலை பூஜை நடந்தது. பூஜை முடிந்த பின்னர் 1008 சங்குகளில் நிரப்பப்பட்ட புனித நீராலும் மஞ்சள், இளநீர், பால், தேன், பன்னீருடன் பூரண கும்ப கலசத்தாலும் மாரியம்மனுக்கு அபிஷேகம் நடந்தது. பின்னர் அம்மனுக்கு சிறப்பு அலங்காரம் செய்யப்பட்டு பூஜை நடந்தது. உலக மக்கள் நன்மைக்காக நடந்த இந்த அபிஷேக நிகழ்ச்சியில் ஏராளமான பக்தர்கள் கலந்து கொண்டு அம்மனை தரிசனம் செய்தனர். விழா இதற்கான ஏற்பாடுகளை கோயில் பரம்பரை அறங்காவலர் குழுவினர், நிர்வாகம் சார்பில் ஏற்பாடுகள் செய்யப்பட்டிருந்தது.