பண்ருட்டி : பண்ருட்டி அடுத்த திருவதிகை சரநாராயண பெருமாள் கோவிலில் ராப்பத்து 10ம் நாள் உற்சவத்தில் பெருமாள் சிறப்பு அலங்காரத்தில் பக்தர்களுக்கு அருள்பாலித்தார்.

பண்ருட்டி அடுத்த திருவதிகை சரநாராயண பெருமாள் கோவிலில் ராப்பத்து 10ம் நாள் உற்சவத்தை முன்னிட்டு காலை 9:30 மணிக்கு உற்சவர் பெருமாளுக்கு சிறப்பு திருமஞ்சனம், பகல் 11:00 மணிக்கு சிறப்ப தீபாராதனை நடந்தது. மாலை 4:00 மணிக்கு நடைதிறப்பு, மாலை 6:30 மணிக்கு உற்சவர் பெருமாள் ஸ்ரீதேவி, பூமிதேவி சகிதமாக சிறப்பு அலங்காரத்தில் உள்புறப்பாடு நடந்து, பக்தர்களுக்கு அருள்பாலித்தார். இரவு 7:30 மணிக்கு வேதபிரபஞ்ச சாற்றுமுறை, இரவு 8:30 மணிக்கு நம்மாழ்வார் மோட்சம் நடந்தது. ஏராளமான பக்தர்கள் சுவாமி தரிசனம் செய்தனர்.