திருக்கோஷ்டியூர்: திருக்கோஷ்டியூர் சவுமியநாராயணப் பெருமாள் கோயில் தங்க விமான திருப்பணியை முன்னிட்டு ஆயுதப் போலீஸார் பாதுகாப்புப் பணியில் ஈடுபட்டுள்ளனர். கோயில் அஷ்டாங்க விமானத்தில் தங்க தகடுகள் வேய திருப்பணி நடந்து வருகிறது. தற்போது தாமிரத் தகட்டில் தங்க ரேக் ஒட்டுவதற்காக தங்கத்தை தகடாக்கும் பணி கோயிலினுள் நடக்கிறது. அதற்கு பாதுகாப்பிற்காக துப்பாக்கியுடன் கூடிய ஆயுதப் போலீசார் 4 பேர் நியமிக்கப்பட்டுள்ளனர். இரு ஷிப்டுகளாக இவர்கள் பாதுகாப்புப் பணியில் இருப்பர். இவர்களுடன் உள்ளூர் போலீசாரும் ரோந்து பணியில் இருப்பர். நேற்று முன்தினம் நள்ளிரவில் டி.எஸ்.பி. ஆத்மநாதன் தலைமையில் போலீசார் கோயிலில் பாதுகாப்பு குறித்து பார்வையிட்டார்.